இலங்கை இராணுவத்தின் புதிய தளபதி தொடர்பக வெளியான தகவல்!
இலங்கையின் தற்போதைய இராணுவத் தளபதி லெப்டினன்ட் ஜெனரல் விக்கும் லியனகே ஓய்வு பெறுவதை அடுத்து, இலங்கை இராணுவத்தின் 25ஆவது தளபதியாக மேஜர் ஜெனரல் லசந்த ரொட்ரிகோ பதவியேற்கவுள்ளார்.
அனுபவமிக்க இராணுவ அதிகாரியான, மேஜர் ஜெனரல் ரொட்ரிகோ முன்னர் இலங்கை இராணுவத்தின் பிரதிப் பிரதானியாக பணியாற்றினார் என்பதுடன் பாதுகாப்பு சேவைகள் கட்டளை மற்றும் பணியாளர்கள் கல்லூரியின் தளபதியாகவும் பணியாற்றினார்.
இதேவேளை, தற்போதைய இராணுவத் தளபதியான லெப்டினன்ட் ஜெனரல் விக்கும் லியனகே, இராணுவத் தளபதியாக தனது இரண்டாவது தவணை சேவை நீடிப்பில் இருந்து வருகிறார் என்பது குறிப்பிடத்தக்கது.
மேஜர் ஜெனரல் ரொட்ரிகோவின் நியமனம் தொடர்பான உத்தியோகபூர்வ அறிவிப்பு இன்று பிற்பகலில் வெளியிடப்படும் என எதிர்பார்க்கப்படுவதாக அரசாங்க தரப்பு செய்திகள் வெளியாகியுள்ளன.
0 Comments